nid sälbergmacht!!!!

hani das Johr dr Advänts-Chranz...

und das obwohl ich a dem Samschtig vorem 1. Advänt z Schinznach in dr Gärtnerei e Million Uswahl gha hät an Deko...
ich ha soooooooone Chopf becho devo und bi schlussändlech mit Serviette und 6 Stärne-Rechaudcherzli dur d Kasse.
Es het mi überfordert... und ich ha dänkt, ich gang glaub gschider ins /Bluemehüsli Würelinge und chauf mer eine... isch de nid wunderwunderschön...?

und Apropos Advänt... mini girls mach mer es schlächts Gwüsse! Au do, ich ha eine kauft und sie händ mer eine sälbergmacht! Was isch au los? Ich ha glaub z viel um d Ohre...

jede Tag dörf ich es Päckli ufmache! ich zeig denn emol, was denn do alles dinne isch...

und mis Schätzeli, obwohl no chli agschlage isch au so flissig und engagiert und het für d Linda die Überraschig arrangiert!!!!
E Idee vo mir, so hingesagt vor Wuchene het er ufgriffe, will er natürlich sogar d Sarah Meier kännt! Cool oder? Ich lieb mini Schätzis!!!!!!!!!!!

11.11. - 11. Geburtstag Romina

Dr romina ihre gross Wunsch isch in Erfüllig gange.... e Geburtstag uf em Schloss mit ihrne Fründinnen... Sie het s Glück gha, dass sie schuelfrei gha het und so händ die girls am viertel vor nüni ufs Schloss chöne mitgo und ich ha dehei Rueh gha bis am Nomitag!!!!

gseht doch würkli super us, die 4 Chöchinne!!!!

cool gsi!!!! Dr schönschti Geburtstag, het d Romina gfunde, wo sie je erläbt heig.....

sälbergmacht

Jede Donnschtig wenn ich vom Schaffe heichum, erwartet mich dehei sones Birchermüesli!

Und ich muess jedesmol schmunzle und finds eso härzig!!!

Sones Birchermüesli hät ich aso letscht Samschtig guet chöne bruche...

es isch jo chli crazy gsi... e ganze Samschtig inere Halle ufem Velo mit Ohrepax in de Ohre wie amene Konzärt... Es isch aber supercool und luschtig gsi. Jedi Stund komplett anderscht und drum eigentlech au gar nie langwielig!

 Dewährend d kiddies a dr Chilbi a dr früsche Luft bi schönem Wätter!!!!

Mit mim Schätzeli Trakor fahre!!!! Cool oder!!!!! Aso do wär ich au igstiege!!

ich dewährend aber in dr wohlverdiente Pause... die Garderobe gseht do no schön ordentlech us... aber ich glaub, do isch erscht d Hälfti dinn gsi, am Schluss het s irgendwie gar kei freie Bode me gha... aber bi dene viele nackte Fraue hani denn kei Foti me gmacht:-)

Kaffee und Kuchen wie z Mallorca

ganz viel Magebrot...

hani die Wuche gmacht...

für d Böttsteiner-Chilbi... wenn sie nid wäggönd, denn chaufes sicher mini Chind...:-)

ich weiss nid, öb ich öppis vo dere Chilbi das Johr mitbechum, gang morn nämlech ane Spinning-Marathon und schätz, ich ghei denn nur no ins Bett.

Stei...

sueche.... früener am Rhi unde, hüt an dr Aare – das mache mer megagärn...

und es isch wunderschön do!!!

Triebholz au no in d Handdtäsche gstopft – hät suscht kei Platz me gha...

  

und denn all die Sache verschönere wo mer heigschleipft händ...

Rose und Guglhöpfli

zwüschedure gsehts eso us uf euserer Terasse...


Mis Schätzeli het mer neui Silikonforme bstellt und sofort ischs losgange mit de Rose-Forme und chline Guglhöpfli...

 Rose 1 mal grau, 1 mal mit Torf im Beton, 1 mal weiss.

chlini Gupflhöpfli entweder mit Huswurz bepflanze oder suscht als Deko...

Betongiesse

...macht süchtig!

Animiert dur es Buech bini richtig dri-g'rutscht...
Im Früelig hani uf em Flomärt noch passende Forme gsuecht, s erscht Mol Beton kauft und do händ sogar mini Mädels gstunt, dass de Sack eso schwer isch, dass me do alli Chraft brucht, zum de vom Wägeli ins Auto z hieve... und au nochhär bim uslade, ohni Wägeli chiemt de so schnäll nid uf d Terrasse. Und eigentlech au s mische vo dem Beton isch rächt asträngend und me sött de Staub nid ischnufe und me sött de Beton au nid alänge.... aso eigentlech gar nid eso animierend, aber s Warte nochhär (mind. 24 h!) und denn d Spannig wie s ächt usechunt, öb s überhaupt usechunnt!) macht all de Chrampf irgendwie wieder wett... Es glingt au nid immer alles uf Anhieb und ich mach so mini Erfahrige...

eine vo de erschte Kunschtwärk. Uf dr Stross dusse händ mer mit Schrubezieher und Hammer die Form maltretiert, bis er ändlech usecho isch!!!

und scho bald hets keis Halte me ge...