Es paar Aläuf, bis denn au würkli es Ei perfekt dripasst het... !!!!
E Eierbächer, wo bestimmt nid kaputt goht!
Uf die Idee het mi e Bözbärgeri brocht, e Kathrin... Sie heig e Eierköpfer kauft, und de sig zwar cool, heig aber ihri Eierbächer kaputtgmacht! Will de funktioniert schinbar mitere Chugle wo denn uf s Ei gheit, und wenn me denn so chinesischs Porzellan heig, denn geche die kaputt. Ich söll doch Betoneierbächer mache!
Das alles eigentlech zmitzt im Winter!
Mit Dekobeton gohts :-)
Am Nomitag het mi denn aber d Sunne useglockt.
Es isch wunderschön ufem Bözbärg mit Schnee! Me fühlt sech wie in de Skiferie.
D Stross verusse isch immer no wiss!
De Mocca isch mer denn hinterhärglofe, woni eigentlech e Spaziergang ha wölle mache.
Bim Waldrand hani Liane gfunde und an Ort und Stell 4 Chränz gmacht - das hani au vo dr Kathrin (e anderi Bözbärgeri) glehrt. Es het dört grad es Bänkli gha, d Sunne het mer is Gsicht gschiene und alli Spaziergänger wo verbisind händ gluegt und gmacht... eini het gmeint, aso do heig ich mir aso es schöns Plätzli usgsuecht für das...
Will mi Mac eifach bald kei Bildli me mag ufne, hani gar nütme ufeglade. A de Wiehnachte hani denn aber mol Programm glöscht in dr Verzwieflig, will ich wieder min obligate Kaländer online ha wölle mache... und so bin ich jetz in dr Lag gsi, so a die 1000 Föteli wieder mol hochzlade...
Und so chan ich au ändlech mol wieder a mim Blog schaffe....
Im Herbscht bin ich zumene Märt do ufem Bözberg animiert worde... Es het Spass gmacht, mol so richtig drizliegge und z produziere.
De Märt sälber... jo aso de hät no chli me chönte laufe...
Aber es isch au en Iheimische Märt gsi, wo viel Lüt eifach gönd go güxle.
Ich aber ha glehrt: de Standort isch seeeeehhhrr wichtig!!! Wird nieme Betonsache inere versteckte Schüre abiete.
Aber im Nochhinein hani sage und schreibe praktisch alles no verchauft, teil Sache häti no 5fach chöne verchaufe, häti se no gha.
Ich ha aso au no glehrt, was de Lüt so gfallt. Und wer weiss, viellecht mach i denn negscht Johr amene grosse Märt mol mit.
Die grosse Sache sind am meischte gfrogt gsi. Will die cha me in Husigang stelle, uf de Verandatisch oder natürlich au dinne. Sie gheie ganz bestimmt nid um und me cha alli mögliche Cherze dristelle.
mis absolute Lieblingsstück ...hani verschänkt...
zwoi Aläuf brucht, demit das mit dere Glasglocke klappt het, drum... isch denn bi mir ufem Tisch glandet.
Chetteli hani au am Stand gha, aber: falschi Johreszit, het se niem gseh, gfalle die nur mir....?
die sind irgendwie nid gloffe... die wärde denn halt bepflanzt, ich find se cool...
Und nochere Betonpause vo rund 2 Mönet het s mi scho langsam wieder kribbelet.
Und obwohl s eigentlech z chalt isch für das, hani fascht müesse. Es Projekt, e Handtäsche us Beton...
mit mim neue Tisch woni vo mim Schätzeli becho ha, gohts super!
E Täsche, "chli prepariere" und denn drigiesse...
noch zwölf Stund hani scho müesse go uspacke, ha nid chöne warte....
so gseht sie momentan us, wird denn no gschmückt, verziert und chli gschliffe.
das sind eusi zwoi Chätzli, wo mer scho bald zue eus hei dörfe ne...
Sie chöme us Wallbach und händ ihri Wurzle in Zeinige!
Sind die nid unglaublech härzig?
Gebore sinds am 3. April, do het jo mis Schätzeli Geburtstag.
Ich dänk, do gits negscht Johr e Kitekat-Chueche!:-)
Gebore sinds im Kleiderschrank und mir händ se scho dörfe go ussueche, wo sie erscht 3 Täg alt gsi sind...
und esooooooo gsehnds momentan us...
Händ mir doch euse Mizan so schwer vermisst und wie s mit ihm z End gange isch, verfolgt mi hüt no mängisch...
Ich bi froh, gliche die zwoi weder em Mizan no dr Maxi, sie sind so ganz anderscht und ich freu mi soo uf die zwoi Racker!!! Und do stand ich aso nid elei do:-)
das isch ihri Oma, d Shiva, wenn die au mol so gross wärde mach ich mir Sorge um s Chatzetörli:-)
S Mami, d Milly :-) - het au vo dem schöne Fäll chli g erbt und eusi Chline au es bitz, ich bi jo gspannt...
Vo Chatze zue de Vögel.... fauch fauch fauch....
mini neuschte Erfahrige mit Beton und Silikon!
Dem Vogel isch de Schwanz abbroche und er isch au sehr bröcklig gsi, obwohl ich würkli gaaanz lang gwartet hat mit usene... Ich glaub bald, de Sack Beton isch e Sch...!!!
Isch mer scho bi de letschte Guglhöpfli ufgfalle, dass de Beton fascht usenandgheit, aber irgendwie gits no sone Antik-Effekt, woni no cool gfunde ha....
Nur momentan wärs besser, ich hätt chli e besseri Qualität!
so viel Müeh mit dem Silikon und denn das!!!!!!!
d Flüge fehle komplett, aber s Gsicht isch wenigschtens super usecho und eigentlech isch er in sich jetz es Unikat für sich und ich ha glich Freud dra. Er gseht us, als wär er scho uralt... irgendwie no cool...
Ich wird die Silikonform nomol zämeflicke (ha se müesse ufschniede) und nomol e Alauf ne irgendwenn.
So wie au i eusem Garte... ich ha nomol vo vorne agfange, diesmol mit ganz viel Schnäggechörner...
vor eim vo den Chreis stand ich immer chli rotlos do, er isch in dr Mitti bepflanzt mit Rase. (isch aso nid uf dr Foti)
D Vorgänger händ Häsli gha und händ denn dört amigs ihres Gheg drufdo.
Und ich weiss jetz gar nid, öb ich würkli das ganze Gras muess ushebe und öppis neus drufpflanze...
und dehei blüeht de Chriesibaum im eigene Garte!!!
und denn aber au die... aber das chunt alles scho in mine Favorite-Blogs vor:-)) ich merk ich bi hindedri...
euse Garte - er isch megaschön. Und es chunnt immer wieder öppis neus use, wo me cha bewundere und abgseh vom Löwezahn - d Romina het mer zwar glehrt, das sig dr dütschi Name, me müess do obe aso mundart schwätze, sprich Sunnewirbel - freuts mi immer.
Das do sind 4 Chreis zum bepflanze vomene Buregarte... es isch aber e Chrampf, chani nume säge...
Scho lang nütme dört drinne apflanzt, krieg ich die Erde - und sie isch so richtig lehmig - eifach nid locker ane... Ich glaub ich bruchti e Traktor:-) s git anderi, die händ e Kran im Garte;-)
Und nomol öppis... d Schnägge uf em Bözbärg sind schnäll... 12 Salat apflanzt, hüt lueg ich, es isch kei einzige me do!!! S Nochbersmeitli würd säge, alli Brownies sind gfrässe... sie het ebe bim bepflanze gmeint, die Salatwürfel gseche us wie Brownies:-)
Romina het sech e Hängematte poschtet und de Thomas isch denn mit ihre in Bau und Hobby gos Zuebehör chaufe und het se au no grad montiert, so cool!!
jo und jetz wirds aber langsam aktuell, ich chumm in d Gegewart...
ich probier mi am Silikonabdruck mache... ich bi au gärn im Bau und Hobby:-) ha normale Baumärtsilikon gno... ha denn erscht bim mache gmerkt, dass es do verschiedeni Farbe git:-)
und hüt isch s losgange mit de erschte zwoi Forme...
ich bi wie immer sehr gspannt und muess mi - au wie immer - gedulde...und warte wie de Engel...
denn die Form hani hüt wieder mit Silikon versuecht z schliesse... mol luege, öb das morn denn funktioniert...
De Früelig bin ich scho zum 3. Mol mit noch Mallorca!
Es isch megatoll gsi. Scho chli routinierter diesmol und ich ha mer au chli mehr zuetraut.
Denn ich ha s Schalte jezt würkli intus und au d Klickpedale.
Drum hani mi au getraut, mich in dr Hobbygruppe azmälde.
Ich gibs zue, ich bi mängisch, nei eigentlich jede Tag, e chli an mini Gränze cho...
Aber ich has dureghalte die ganz Wuche, jede Tag hani dänkt, ich glaub ich gang e Gruppe tiefer... Bi dr Zielankunft vor em Hotel het dr Gruppeleiter immer d Tour vom negschte Tag vorgstellt und het no "es paar" Kilometer und Höhemeter mehr drufgschlage, dass ich mir würkli jedesmol dänkt ha, ich strich mi glaub vo dr Lischte.
Denn bisch eine zäme go trinke und bisch motiviert und überredet worde...
Noch em Dusche bisch entweder wieder so früsch gsi, dass es Der zuetraut hesch oder so müed, dass nüm hesch möge zum Hürzeler-Aschlagbrätt fürelaufe...
Jedefalls han ich mi eifach nie gstriche:-)
Soviel sind in eusere Gruppe gsi am Zischtig ich lueg glaub in Schilf use, aber ich ha a dem Tag s Kloschter Luc vor mir gha und ha chli dr Bammel gha ob ich mitmag. Drum, ich bi uf dere Foti gedanklech glaub gar nid do gsi!
Toure-Guide: Martin, vor mir d Sabine, e richtigi Ulknudle, ächt luschtig gsi mir ihre.
Gruppebild vo dr Speed-Gruppe mit mim Schätzli.
Ich bi immer soo stolz, wenn ich mit ihm cha age:-)
Ich wird aber au immer vo allne gfrogt, wie schnäll sinds geschter gfahre, wieviel Höhemeter händs gmacht und sie gheie denn amigs fascht hinde-n-use... oder am em Velo:-)
Do hani no möge lache...
Do au wieder. Aber das zwüschedrin... ich bi s erscht Mol ab em Velo abgstiege und bi 50 m gloffe bis ich mini Bei und mi Po wieder gspürt ha, ich bi aber wieder ufgstiege und bis aso fahrend obe acho!
Pi-pi-Pause:-)
Die Gschwindigkeit händ mer glaub am Donnschtig druf gha!
ich ha in dere Wuche 560 km gmacht!!
D Jeans händ scho Mitti Wuche plötzlech nüm richtig gsässe, d Bei händ ihri Muskle zeigt.
Und dehei acho hani gmerkt dass i scho wieder es Kilo zuegno ha:-(
Ob das jetz alles in de Bei steckt...? Hmmm..... Sone Sch...
Viellecht au wegem feine Ässe dört ...
Bispillswies am Mittwoch händ mer Ruhetag gha und sind nur 30 km gfahre zum el-sol-Restaurant...
zu dem Lied händ mir chillt...
und mir händ zuegschlage. Ändlech wieder mol zmittagässe anstatt immer nur zmorge und znacht! Megafein isch s gsi und mit dere chillige Musik dört, eme Glas Wisswi und d Sunne wo eim uf de Velodress schint und das phantastische Meer vor de Auge..... paradiesisch eifach...
