3 Mönet im Schnälldurchlauf....

aso ich mag jetz nid de Wiehnachtsbaum zeige, obwohl - sone grosse und schöne händ mer glaub no gar nie gha!!! Aber irgendwie passt s jetz halt voll nid...

Aber do wenigschtens no es Adväntsgschänkli will i jo eigentlech vorgha ha die z zeige.

Denn het Romina vor dr Wiehnacht no dörfe e Schuelbsuech bi ihrer neue Klass uf em Bözbärg mache... E Klass mit gaaaanz viel Meitli und es gfallt ihre mega!

denn do.... ziemlech gschafft, ämel ich....in dr letschte Zügel-Putzphase wo mer scho uf em Bözbärg gwohnt händ, d Romina aber no z Brugg in d Schuel isch und eigentlech zwoi leeri Küchene gha händ... do händ mer eus im Schönegg-Restaurant troffe zum chinesisch go ässe.

 s het umbedingt mit Stäbli müesse si! Linda mit Vegetarier-Täller... alles leergässe!

 und denn grad noch em Abge vo dr Wohnig z Brugg......uff..... Skiferie! Ich bi so kaputt gsi vo dere Zügelei dass me mich fascht het müesse zum Glück zwinge!!

 d Erholig isch aber schnäll cho...

mir händ Pulverschnee gha, unglaublech!!!!!!

Romina als Pischteclown....

 E Chatz zmitzt uf dr Pischte inere Beiz!

bald scho legendär... eusi Schneemänner.

mit em James Bond es Cüpli trunke und megafein gässe.....

 
Am Fritig heicho vo de Skiferie und am Samschtig alli zäme ans Art on ice!!!

Mit Nelly Furtado... supertoll gsi..!!!

 Isig isch s witergange... Stärn Nummer 3 für d Linda! Bravo!

 Do wär euses neue Hus uf em Bözbärg!

Und do... ich ha wieder Zit für Kreativs... me glaubts nid... mini erschti Deko fürs Schloss!

und mis Chäschtli im Igang isch jetz shabbychic-wiss worde...

 

und scho isch dr März do... und wer wird do scho drizähni?

und die Wuche: 2 Linzertortene per Post becho! Han e Megafreud gha!

!

sie isch au superfein gsi

nid sälbergmacht!!!!

hani das Johr dr Advänts-Chranz...

und das obwohl ich a dem Samschtig vorem 1. Advänt z Schinznach in dr Gärtnerei e Million Uswahl gha hät an Deko...
ich ha soooooooone Chopf becho devo und bi schlussändlech mit Serviette und 6 Stärne-Rechaudcherzli dur d Kasse.
Es het mi überfordert... und ich ha dänkt, ich gang glaub gschider ins /Bluemehüsli Würelinge und chauf mer eine... isch de nid wunderwunderschön...?

und Apropos Advänt... mini girls mach mer es schlächts Gwüsse! Au do, ich ha eine kauft und sie händ mer eine sälbergmacht! Was isch au los? Ich ha glaub z viel um d Ohre...

jede Tag dörf ich es Päckli ufmache! ich zeig denn emol, was denn do alles dinne isch...

und mis Schätzeli, obwohl no chli agschlage isch au so flissig und engagiert und het für d Linda die Überraschig arrangiert!!!!
E Idee vo mir, so hingesagt vor Wuchene het er ufgriffe, will er natürlich sogar d Sarah Meier kännt! Cool oder? Ich lieb mini Schätzis!!!!!!!!!!!

11.11. - 11. Geburtstag Romina

Dr romina ihre gross Wunsch isch in Erfüllig gange.... e Geburtstag uf em Schloss mit ihrne Fründinnen... Sie het s Glück gha, dass sie schuelfrei gha het und so händ die girls am viertel vor nüni ufs Schloss chöne mitgo und ich ha dehei Rueh gha bis am Nomitag!!!!

gseht doch würkli super us, die 4 Chöchinne!!!!

cool gsi!!!! Dr schönschti Geburtstag, het d Romina gfunde, wo sie je erläbt heig.....

sälbergmacht

Jede Donnschtig wenn ich vom Schaffe heichum, erwartet mich dehei sones Birchermüesli!

Und ich muess jedesmol schmunzle und finds eso härzig!!!

Sones Birchermüesli hät ich aso letscht Samschtig guet chöne bruche...

es isch jo chli crazy gsi... e ganze Samschtig inere Halle ufem Velo mit Ohrepax in de Ohre wie amene Konzärt... Es isch aber supercool und luschtig gsi. Jedi Stund komplett anderscht und drum eigentlech au gar nie langwielig!

 Dewährend d kiddies a dr Chilbi a dr früsche Luft bi schönem Wätter!!!!

Mit mim Schätzeli Trakor fahre!!!! Cool oder!!!!! Aso do wär ich au igstiege!!

ich dewährend aber in dr wohlverdiente Pause... die Garderobe gseht do no schön ordentlech us... aber ich glaub, do isch erscht d Hälfti dinn gsi, am Schluss het s irgendwie gar kei freie Bode me gha... aber bi dene viele nackte Fraue hani denn kei Foti me gmacht:-)

Kaffee und Kuchen wie z Mallorca

ganz viel Magebrot...

hani die Wuche gmacht...

für d Böttsteiner-Chilbi... wenn sie nid wäggönd, denn chaufes sicher mini Chind...:-)

ich weiss nid, öb ich öppis vo dere Chilbi das Johr mitbechum, gang morn nämlech ane Spinning-Marathon und schätz, ich ghei denn nur no ins Bett.

Stei...

sueche.... früener am Rhi unde, hüt an dr Aare – das mache mer megagärn...

und es isch wunderschön do!!!

Triebholz au no in d Handdtäsche gstopft – hät suscht kei Platz me gha...

  

und denn all die Sache verschönere wo mer heigschleipft händ...

Rose und Guglhöpfli

zwüschedure gsehts eso us uf euserer Terasse...


Mis Schätzeli het mer neui Silikonforme bstellt und sofort ischs losgange mit de Rose-Forme und chline Guglhöpfli...

 Rose 1 mal grau, 1 mal mit Torf im Beton, 1 mal weiss.

chlini Gupflhöpfli entweder mit Huswurz bepflanze oder suscht als Deko...